ترزيان: ما حدا يفتح سيرة الـ “HAIRCUT” بقا

غرّد النائب هاغوب ترزيان، على حسابه عبر “تويتر”، كاتباً: “بهل كم يوم الماضيين عم يتداول مصطلح haircut كتير، خلليني كون واضح وبوضوح تام، كل الودائع عرق جبين وجنى عمر الناس الأوادم، شو ما كان حجمها ما رح نسمح لحدا يدق فيها، هول الأوادم نعمل فيهن haircut من قبل الزعران دون وجه حق خلال عقود بما فيه الكفاية، وهلق كرمال الزعران عم يفكروا يعلموا haircut على الأوادم! ما حدا يفتح سيرة ال haircut بقا، الموضوع الوحيد المسموح مناقشتو أولاً هو كيف منرد أموال الشعب المنهوبة من قبل الزعران على الخزينة وبأسرع وقت دون تأخير”.

وأضاف ترزيان، “تاني شي أوعا حدا يفكر إنو الشعب رح يكون عندو ثقة بالدولة غير ما المتربصين الزعران عليها يبلشوا يتحاسبوا ويعفنوا بالسجون وبترجى الكل ما ينسى هيدا كان موقفي وما في شي بالدني بغيرو وبقول لأهلي موضوع جنى عمركن وحق أولادكم وأحفادكم مقدس ما رح نسمح لحدن يجرب يذلكم أكتر ما ذلونا”.